သွေးဆုံးချိန်မှာ ဘယ်လို လေ့ကျင့်ခန်းတွေ လုပ်ပေးသင့်လဲ
အမျိုးသမီးတိုင်းက သွေးဆုံးချိန်ကို မတူကွဲပြားတဲ့ အနေအထားတွေနဲ့ ရင်ဆိုင်ရပါတယ်။ အချို့တွေက သွေးဆုံးချိန်ကို ပြင်းထန်တဲ့ လက္ခဏာတွေ မခံစားရဘဲ ကျော်ဖြတ်နိုင်ပေမယ့် အချို့တွေကတော့ ပူစပ်ပူလောင်ဖြစ်တာ စိတ်ဖိစီးတာ စိတ်ဓာတ်ကျတာတွေကို အကြီးအကျယ် ခံစားပြီးမှာ သွေးဆုံးချိန်ကို ပြင်းထန်စွာ ကျော်ဖြတ်ရတာတွေလည်း ရှိပါတယ်။
ဒီနေရာမှာ သတင်းကောင်းတစ်ခု ပြောပြရရင် ဘဝနေထိုင်မှုပုံစံ ပြောင်းလဲတာက သွေးဆုံးချိန်ကို သက်တောင့်သက်သာ နဲ့ ကျော်ဖြတ်နိုင်စေဖို့ ထောက်ကူပေးနိုင်တယ်ဆိုတာပါ။ ဒီလို ကျော်ဖြတ်နိုင်ဖို့ အကောင်းဆုံး နည်းလမ်းက လေ့ကျင့်ခန်း လုပ်တာပါ။
လေ့ကျင့်ခန်း လုပ်တာက အရေးကြီးသလား
လေ့ကျင့်ခန်း လုပ်တာက သွေးဆုံးချိန်မှာ ခံစားရနိုင်တဲ့ လက္ခဏာတွေကို လျော့ပါးစေနိုင်တယ် မဟုတ်ပေမယ့် ဒီလိုကာလမှာ စိတ်ဖိစီးတာကို သက်သာစေပြီး ကျန်းမာစေဖို့ ထောက်ကူပေးပါတယ်။
လေ့ကျင့်ခန်း ပုံမှန် လုပ်ပေးခြင်းက သွေးဆုံးချိန်မှာ ကိုယ်အလေးချိန် တက်လာတာနဲ့ ကြွက်သားထုထည် ဆုံးရှုံးတာတွေကို ထိထိရောက်ရောက် ကာကွယ်ပေးနိုင်မှာပါ။
ကျန်းမာသန်စွမ်းတဲ့ အမျိုးသမီး အများစုက တစ်ပတ်တာမှာ ပေါ့ပေါ့ပါးပါး လေ့ကျင့်ခန်းကို မိနစ် ၁၅၀ ၊ ပြင်းပြင်းထန်ထန် လုပ်ရတဲ့ လေ့ကျင့်ခန်းတွေကို ၇၅ မိနစ်လောက် လုပ်ဆောင်ကြတာကို တွေ့ရပါတယ်။
သွေးဆုံးချိန်မှာ ဘယ်လို လေ့ကျင့်ခန်းတွေ လုပ်ပေးသင့်လဲ
သွေးဆုံးချိန်မှာ ဘယ်လို လေ့ကျင့်ခန်းတွေ လုပ်ပေးသင့်လဲ ဆိုတာကို ဆက်ကြည့်လိုက်ရအောင်နော်။
- ကာဒီယို ကစားမယ်
ကာဒီယို ကစားတာက နှလုံး ကျန်းမာစေသလို ကြီးမားတဲ့ ကြွက်သားအုပ်စုတွေ ကျန်းမာစေဖို့ ထောက်ကူပေးပါတယ်။ ကာဒီယိုဆိုတဲ့ နေရာမှာ အေရိုးဗစ် ကစားမှရယ် မဟုတ်ပါဘူး။ မိမိအားသန်တဲ့အတိုင်း လမ်းလျှောက်တာ၊ ရွရွလေးပြေးတာ၊ စက်ဘီးစီးတာ၊ ရေကူးတာတွေ လုပ်ဆောင်ပေးလို့ ရပါတယ်။ တစ်နေ့ကို ၁၀ မိနစ်လောက် လုပ်ပေးရုံနဲ့ လုံလောက်ပါတယ်။ တဖြည်းဖြည်းချင်းတော့ တိုးသွားပေါ့။
- Strength training လေ့ကျင့်မယ်
သွေးဆုံးပြီးချိန်မှာ အရိုးပွနှုန်းက အတော်လေးကို မြန်တဲ့ နှုန်းနဲ့ မြင့်တက်လာတာပါ။ ဒီလိုအချိန်မှာ သန်စွမ်းကြံ့ခိုင်စေမယ့် လေ့ကျင့်ခန်းတွေက လုပ်ဆောင်ပေးဖို့က အတော်လေး အရေးကြီးပါတယ်။ ဒီလို လုပ်ဆောင်ပေးတာက အရိုးတွေကို သန်မာစေဖို့ ထောက်ကူပေးပါတယ်။ အလေးတုံး သေးသေးလေးတွေကို မပေးတာကလည်း အဆင်ပြေပါတယ်။
- ယောဂ လုပ်မယ်။ တရားထိုင်မယ်
ယောဂ လေ့ကျင့်မှု လုပ်တဲ့ အမျိုးသမီးတွေက သွေးဆုံးကိုင်တဲ့ လက္ခဏာတွေကို ပြင်းပြင်းထန်ထန် မခံစားရပါဘူး။ အသက်ကို ပြင်းပြင်းရှူတာ၊ တရားထိုင်တာတွေ နဲ့ ယောဂပို့စ်တွေက စိတ်ရောကိုယ်ပါ ကျန်းမာစေပြီး စိတ်ဖိစီးမှုတွေကို ပြေလျော့စေပါတယ်။ သွေးဆုံးချိန်မှာ ပူသလို အေးသလိုဖြစ်တာ၊ ခြေကုန်လက်ပမ်းကျတာ၊ နုန်းတာတွေကို သက်သာစေပါတယ်။
- ကကြမယ်
လေ့ကျင့်ခန်း လုပ်ရတာက ခက်ခဲမယ်လို့ ယူဆမယ်ဆိုရင် လွယ်ကူစွာနဲ့ သွေးဆုံးချိန်ပြဿနာတွေကို ကျော်ဖြတ်လို့ရတဲ့နည်းလမ်း ရှိပါတယ်။ ဒါကတော့ ကတာပါ။ ရိုးရာအကတော့ မဟုတ်ဘူးပေါ့။ ကယ်လ်လိုရီတွေကို လောင်ကျွမ်းစေနိုင်မယ့် ကနည်းတွေပေါ့။ ဒီလိုကတာက ကြွက်သားတွေ သန်မာစေသလို ကြွက်သားတွေ ပြေလျော့စေဖို့လည်း လုပ်ဆောင်ပေးပါတယ်။
- Zumba
Zumba ကတာကလည်း အခုနောက်ပိုင်းမှာ ခေတ်စားလာတဲ့ အားကစား တစ်မျိုးပါ။ Zumba ကတာက အရွယ်မရွေး လုပ်ဆောင်လို့ ရသလို ကယ်လ်လိုရီ လောင်ကျွမ်းစေပြီး ကြွက်သားတွေ သန်မာစေဖို့ အားဖြည့်ပေးမှာပါ။
သွေးဆုံးချိန် ခံစားရနိုင်တဲ့ လက္ခဏာတွေကို သက်သာစေဖို့ အခုပြောတဲ့ လေ့ကျင့်ခန်းတွေထဲက အသင့်တော်ဆုံးဖြစ်မယ့် လေ့ကျင့်ခန်းကို ရွေးချယ် လုပ်ဆောင်ပေးလို့ ရပါတယ်။
မွန်မွန်